Almatyda tsehtan shyqqan jalyn turǵyn úıdi sharpýǵa shaq qaldy
ALMATY. QazAqparat - Almatynyń ortalyǵynda tseh órtendi, dep habarlaıdy QazAqparat tilshisi.
Saǵat 15:42-de Jetisý aýdany Qazybaev kóshesinde ornalasqan 24-shi úıde órt tutanǵany týraly habar kelip túsken. Alǵashqy órt tehnıkasy oqıǵa ornyna nebári 5 mınýttan keıin, ıaǵnı 15:47-de jetti.
Almaty TJD resmı ókili Sandýǵash Baımuhambetovanyń málimdeýinshe, qutqarýshylar barǵan ýaqytta qoıma ǵımaraty qyzyl jalynǵa oranǵan. Jaqyn mańda ornalasqan jeke turǵyn úıge qaýip tóngendikten órt sóndirýshiler dereý shara qoldanǵan. Nátıjesinde órttiń taralýyna jol berilmeı, 6 qoıma boksy qutqarylǵan. Órt jarty saǵattan soń, 16:14-te aýyzdyqtalyp, 16:34-te tolyqtaı óshirilgen. 160 sharshy metr aımaq janyp ketti. Abyroı bolǵanda, eshkim zardap shekken joq.
Illıýstratsııalyq sýret
