Almatyda tseh órtke orandy
ALMATY. QazAqparat - Almatyda Medeý aýdany «Sátpaev kóshesi, 5» mekenjaıyndaǵy tseh órtke orandy, dep habarlaıdy QazAqparat tilshisi.
Qalalyq TJD baspasóz hatshysy Sandýǵash Baımuhambetovanyń aıtýynsha, órt sóndirýshiler oqıǵa ornyna tańǵy 5:58-de jetken.
Belgili bolǵandaı, tilsiz jaý metal shatyr men aǵash tireýlerdi sharpyp úlgergen. Sonyń kesirinen tóbeniń keıbir jeri qulaǵan.
Jedel atqarylǵan jumystyń arqasynda órt japsarlas ornalasqan ǵımarattarǵa kóshpedi.
Aýmaǵy 750 sharshy metrdi sharpyǵan qyzyl jalyn 07:13-te aýyzdyqtaldy.
Tótenshe jaǵdaıdan eshkim japa shekken joq.
Órttiń shyǵý sebepteri anyqtalyp jatyr.
