Almatyda CarCity avtokólik bazaryndaǵy adamdar evakýatsııalandy
ALMATY. QazAqparat – Almatyda CarCity avtokólik bazarynyń mańyndaǵy oryndyqqa belgisiz bir er adam sómke qoıyp ketken, sondyqtan polıtsııa adamdardy evakýatsııalaýǵa májbúr boldy, dep habarlaıdy QazAqparat tilshisi.
Kúdik týdyratyn sómkeni tekserip jatqan saperdiń vıdeosy áleýmettik jelide tarady.
«Polıtsııaǵa CarCity bazarynyń janyndaǵy oryndyqta kúdik týdyratyn qara sómke týraly habarlama tústi. Birden avtokólik bólshekterin satatyn bazardyń aýmaǵy qorshaýǵa alyndy. Satýshylar men adamdar evakýatsııalandy. Saperlar aımaqty tolyq tekserip shyqty. Sómkede jaı qurylys quraldary bolǵan»,– dep habarlady Almaty qalalyq PD baspasóz qyzmeti.
Áleýmettik jelilerden alynǵan foto
