Almatyda Car City saýda ortalyǵy órtenip jatyr
ALMATY. 14 qyrkúıek. QazAqparat /Erbol Azanbek/ - Almatydaǵy eń iri saýda ortalyqtarynyń biri Car City-den órt shyqty.
Saýda ortalyǵy qyzmetkerleriniń aıtýynsha, tańǵy saǵat 4-5 aralyǵynda saýda úıiniń jertólesinen tútin shyǵa bastaǵan. Oqıǵa ornyna órt sóndirý qyzmeti shaqyrylǵan. Qazirgi kezde ǵımarat qorshaýǵa alynyp, órt sóndirý jumystary júrgizilýde. Tańǵy 4-te bastalǵan órttiń áli sóndirilmeý sebebin qalalyq tótenshe jaǵdaılar qyzmeti qatty qoıý tútinniń bolýymen túsindirip otyr. Saýda ortalyǵy qyzmetkerleriniń sózine qaraǵanda, qoıý tútin avtokólik shınalary men motor maılarynyń janýynan shyǵýy múmkin. Óıtkeni jertólede negizinen osy taýarlar satylady.
Qalalyq tótenshe jaǵdaılar qyzmetiniń boljamynsha, janyp jatqan alań 100 sharshy metrge jýyq. Tótenshe jaǵdaılar departamenti shyǵý sebebi órt aýyzdyqtalǵan soń baryp anyqtalatyndyǵyn aıtyp otyr. Eske sala keteıik, Car City Almatydaǵy avtobólshekter satatyn eń iri saýda ortalyǵynyń biri.
