Almatyda Camry kóligimen polıtseıden qashqan jas jigit qolǵa tústi
ALMATY. QazAqparat - Almaty polıtsııasy jol erejesin birneshe ret buzǵan «Toıota Kamrı» júrgizýshisin ustady, dep habarlaıdy QazAqparat tilshisi qalalyq PD baspasóz qyzmetine silteme jasap.
20 jastaǵy jigit Ál-Farabı dańǵylynda «Toıota Kamrı» kóligimen jolaqtan-jolaqqa júıtkip, shytyrman iz qaldyrǵan.
«Polıtsııanyń toqta degen talabyn júrgizýshi elegen joq. Ál-Farabı dańǵylynda Gagarın kóshesimen batysqa júıtkı jónelgen. Jolaqtan jolaqqa túsken kólikti tártip saqshylary Rysqulbekov pen Saın kóshesiniń qıylysynda ustady. Júrgizýshi bir mezette birneshe quqyqbuzýshylyq jasady. QR ÁQbK 603-babynyń 2-bólimi, QR ÁQbK 590-babynyń 4-bólimi, QR ÁQbK 595-babynyń 1-bólimi, QR QK 606-babynyń 1-bólimi boıynsha ákimshilik hattama toltyryldy. Munyń aldynda ol memlekettik nómirsiz júrgeni úshin ári jol arasyndaǵy syzyqty basqany úshin ákimshilik jazaǵa tartylǵan boaltyn. Júrgizýshiniń kóligi aıyp turaǵyna qoıyldy», - dedi qalalyq Polıtsııa Departamentiniń Ákimshilik polıtsııa basqarmasynyń batalon komandıri Serikjan Ábjanov.
Sonymen qatar, polıtsııa Ál-Farabı kóshesinde jol erejesin buzǵan taǵy eki júrgizýshiniń kólikterin aıyp turaǵyna jiberdi.
