Almatyda «Bıýdjetke qatysý» jobasyna ótinish berý merzimi uzartyldy
Turǵyndar ózderiniń jobalyq usynystaryna 2020 jyldyń 20 qazanyna deıin ótinish bere alady. Ótinimdi budget.open-almaty.kz saıtynda qaldyrýǵa bolady.
Almaty qalasynyń «Bıýdjetke qatysý» jobasynyń maqsaty azamattardyń bastamalary men usynystary negizinde qala aýdandarynyń aýmaqtaryn damytý jáne abattandyrý bolyp otyr. Qala turǵyndarynyń bastamalaryna Almaty qalasynyń qoǵamdyq keńesiniń músheleri, sarapshylar, máslıhat depýtattary, ÚEU ókilderi óz baǵalaryn beredi.
Almatylyqtar ashyq talqylaý jáne daýys berý arqyly qala bıýdjetin qaıda baǵyttaý kerektigin anyqtaıdy. Eger bastamany basqa turǵyndar daýys berý barysynda qoldasa, ol qalalyq bıýdjet esebinen júzege asyrylady. Bir ótinim 55,5 mln teńgeden aspaýy tıis. Jalpy osy baǵdarlamaǵa 6,4 mlrd teńge qarastyrylǵan.
Qalanyń árbir aýdanyna 800 mln teńgeden keledi. Byltyr ár aýdanǵa 500 mln teńgeden bólindi.
Bıylǵy jyly ótinim berý algorıtmi men sharttary jeńildetilgenin atap ótken jón. Óz jobalaryn usynatyn turǵyndar smetany nemese eskızdi qospaı, onyń ornyna usynylǵan standartty qujattardyń birin tańdaı alady nemese ınternetten sýretti júkteı alady. Bul arnaıy bilimi joq kez kelgen qala turǵynynyń óz ıdeıasyn usyna alatynyn jáne óz aýdanyn jaqsartýǵa jáne qalalyq ortany damytýǵa óz úlesin qosa alatyndyǵyn bildiredi.
2021 jylǵa ótinimderdi qabyldaý bıyl 28 tamyzda Almaty damý ortalyǵy portalynda - Open Almaty ǵımaratynda bastaldy. Qazir 428 jobalyq usynys berildi. Buǵan deıin pılottyq kezeńde 333 joba usynylǵan bolatyn, olardyń birqatary aıaqtalyp, paıdalanýǵa berildi. Іske asyrylǵan jobalardyń ishinde skeıtpark, sóıleıtin oryndyq, balalar men eresekterdiń sportpen shuǵyldanýyna arnalǵan alańdar, qala turǵyndarynyń saıabaqtary men demalys oryndary bar.
Margarıta Balakıreva «Bıýdjetke qatysý» jobasyna ótken jyly Almaly aýdanyndaǵy bos ýchaskeni kógaldandyrýdy usynǵan.
«Men Rozybakıev-Jambyl kósheleriniń qıylysynda osyndaı oryn taptym, jaqyn jerde jumys istep, únemi sol jerden ótip júrdim. Sodan mende abattandyrý ıdeıasy paıda boldy», - dep bólisti M.Balakıreva.
Almaty ákimdigi qala turǵyndaryn osy jobaǵa belsendi qatysýǵa shaqyrady. Suraqtar boıynsha +7 (727)224-39-29, ishki 203 nemese budget@almatydc.kz elektrondyq poshtasy arqyly ótinishterdi qabyldaý, daýys berý jáne bastamalarǵa irikteý budget.open-almaty.kz portalynda onlaın ótedi.
Esterińizge sala keteıik, ótinim berý merzimin 2020 jyldyń 20 qazanyna deıin uzartý Qoǵamdyq keńestiń jumys otyrysynyń qorytyndysy boıynsha usynyldy.
Jobalardy irikteý talaptary:
- aýmaqty kógaldandyrý;
- trotýarlardy jaılastyrý;
- trotýarlar, pandýstar, aryqtar salý jáne jóndeý;
- jalpy paıdalaný oryndaryn (saıabaqtar, gúl baqtary, jaıaý júrginshiler aımaqtary jáne basqa nysandar) qurý, jóndeý jáne jaryqtandyrý;
- jıekterdi, tireý qabyrǵalaryn jóndeý;
- qoqys tastaıtyn jerlerdi joıý;
- aýla aýmaqtarynda jáne jalpy paıdalaný oryndarynda sporttyq (jattyǵý alańdaryn, fýtbol, basketbol, voleıbol alańdaryn), balalardyń oıyn alańdaryn ornatý, jóndeý jáne jaryqtandyrý.
