Almatyda bıýdjet qarajatyn jymqyrǵan memlekettik qyzmetkerler sottaldy

ALMATY. QazAqparat- Almatyda agroónerkásiptik keshendi (AÓK) damytýǵa arnalǵan bıýdjet qarajatyn jymqyrǵan memlekettik qyzmetkerler sottaldy, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń málimetinshe, Almaty qalasy Medeý aýdandyq №2 sotynyń úkimimen Almaty qalasy Aýyl sharýashylyǵy jáne veterınarııa basqarmasynyń burynǵy basshysy A.Kerimbek, onyń qaramaǵyndaǵylar K. Ábdijabbarova, D. Tazabek jáne «Molprodýkt» JShS dırektory R. Súleımenova bıýdjet qarajatyn jymqyrǵany úshin kináli dep tanyldy.

Memlekettik qyzmetkerler aýyl sharýashylyǵy salasyndaǵy agroónerkásiptik keshen sýbektilerin sýbsıdııalaýǵa bólingen 423 mln teńgeni jymqyrǵan

«A.Kerimbek, K. Ábdijabbarova men D.Tazabekke memlekettik qyzmette qyzmet atqarý quqyǵynan ómir boıyna aıyra otyryp, 7 jyl bas bostandyǵynan aıyrý jazasy taǵaıyndaldy. Al, R. Súleımenovaǵa kommertsııalyq uıymdarda 5 jyl merzimge basshylyq laýazymdardy atqarý quqyǵynan aıyra otyryp, 7 jyl bas bostandyǵynan aıyrý jazasy taǵaıyndaldy». – delingen agenttik taratqan aqparatta.