Almatyda buzaqynyń adamdy uryp-soǵyp óltirgeni beınekameraǵa túsip qalǵan
ALMATY. QazAqparat - Almatyda buzaqynyń adamdy uryp-soǵyp óltirgeni beınekameraǵa túsip qalǵan. Bul týraly qalalyq ІІD baspasóz qyzmeti habarlady.
Oqıǵa Almatyda Qabanbaı men Jumalıev kósheleriniń qıylysyndaǵy úılerdiń mańynda bolǵan. Belgisiz jigittiń basqa bir er adamdy ólimshi etip sabap, oqıǵa ornyna tastap ketkeni kóshedegi beınekameralardyń birine túsip qalǵan.
«Birinshi kezekte, biz beınebaqylaýdy qaraýǵa kiristik. Kameralardyń birine osy oqıǵa túsip qalǵan. Arnaıy top kúdiktiniń jeke basyn birden anyqtady. Ol osy jerde páter jaldap turatyn jigit bolyp shyqqan. Qazir ol óziniń kinásin tolyǵymen moıyndady», - dedi Almaly aýdandyq ІІB basshysy Asqar Bolatov.
Esterińizge sala keteıik, qazir Almatyda «Qaýipsiz qala» baǵdarlamasynyń ekinshi kezeńi aıaqtalyp keledi. Qalada 7-ge tarta aýlada 5 myń 834 beınebaqylaý kamerasy ornatylǵan. Baǵdarlamanyń úshinshi kezeńinde beınebaqylaý júıesimen qoǵamdyq oryndar da qamtylady.
