Almatyda buzaqylar júrip bara jatqan avtobýstyń tóbesinde otshashý atqan
ALMATY. QazAqparat - Almatyda beımálim jas jigitter júrip bara jatqan jolaýshylar avtobýsynyń tóbesinde otshashý atqan, dep habarlaıdy QazAqparat tilshisi.
Beınejazba áleýmettik jelide qyzý talqylanyp jatyr.
Vıdeodan bireýlerdiń avtobýstyń tóbesinde otshashýdy tutandyryp, artynsha sekirip túsip, qashqanyn kórýge bolady.
Qalalyq polıtsııa departamenti olardy izdestirip jatqanyn habarlady.
«Polıtsııa departamentiniń tıisti bólimsheleri buzaqylardyń kim ekenin anyqtap jatyr. Buzaqylardy ustaý jáne olardy jaýapqa tartý boıynsha izdestirý jumystary júrip jatyr»,- dep habarlady polıtsııadan.
