Almatyda BUU-nyń jastarǵa arnalǵan ókildigi ashylady
Atalǵan oqý ornynyń baspasóz qyzmeti taratqan málimetke sáıkes, bul jaıynda Qyzdar ýnıversıtetiniń rektory Gaýhar Aldambergenovanyń BUU Turǵyn halyq salasyndaǵy qorynyń Qazaqstandaǵy ókili Djýlııa Valezemen jáne atqarýshy ókili Raıymbek Sısemalıevpen kezdesýi barysynda belgili boldy.
Júzdesý kezinde G.Aldambergenova BUU Turǵyn halyq salasyndaǵy qorynyń Qazaqstan halqynyń turaqty damýy men ál-aýqaty artýyndaǵy eleýli úlesin atap ótti. Sonymen qatar, taraptar atalǵan qordyń «Jas Qurdastar» atty jastar qozǵalysymen birlesip, Qyzdar ýnıversıtetiniń stýdentterine genderlik teńdik jaıynda, jastardyń kóshbasshylyq deńgeıin kóterý maqsatynda semınarlar men trenıngter ótkizýge ýaǵdalasty. Sondaı-aq, BUU qorymen birigip jumys jasaý jastarǵa tálim-tárbıe berýde odan da joǵary nátıjelerge qol jetkizetinine senim bildirildi.
«Qara shańyraq Qyzdar ýnıversıteti stýdentterdiń tek oqý jetistikterine ǵana emes, sonymen qatar qyzdar tárbıesine, olardyń kóshbasshylyq qasıetteri men belsendi azamattyq jaýapkershiliginiń damýyna da úlken kóńil bóledi», - dedi Gaýhar Tóremuratqyzy.
Óz kezeginde qor ókilderi Qazaqstan halqynyń turaqty damýy men ál-aýqatyn arttyrýdaǵy uıymnyń eleýli úlesi týrasynda áńgimeledi.
«BUU Turǵyn halyq salasyndaǵy qory qyzmetiniń negizgi mindeti ana densaýlyǵyn jaqsartý jáne áıelder, jastar men jasóspirimderdiń ómirin jaqsartý úshin nápsiqumarlyq jáne reprodýktıvtik densaýlyq pen reprodýktıvtik quqyqtardy qorǵaýǵa járdemdesý arqyly damý salasyndaǵy myńjyldyqtyń besinshi maqsatyna qol jetkizýge kómek kórsetý», - dedi Djýlııa Valeze.
Ol pedagogıkalyq oqý ornymen bolashaqta birlesip atqarylatyn jumystyń mańyzdylyǵyn baıandady.
D.Valezeniń aıtýynsha, jastar arasynda tárbıe berý men aqparattandyrý jumystaryn júrgizý, olardyń jeke azamattyq pozıtsııasyn qalyptastyrý men kóshbasshylyq áleýetin damytý búginde úlken mańyzǵa ıe.
Sondaı-aq, kezdesýde taraptar genderlik saıasat jáne áleýmettik máseleler turǵysynda jobalardy birlesip júzege asyrý jaıyn da talqylady.
