Almatyda BUU-nyń kópjaqty dıplomatııalyq haby qurylady
ASTANA. QazAqaparat - Búgin Aqordada QR Memlekettik hatshysy Gúlshara Ábdiqalyqova BUU-nyń EKSPO-2017 kórmesindegi bas komıssary, BUU-nyń Eýropa men TMD elderi boıynsha Damý baǵdarlamasy óńirlik bıýrosynyń dırektory Djıhan Sýltanoglýmen kezdesti, dep habarlaıdy QazAqparat.
«Qazirgi ýaqytta Azııa bank usynysymen turaqty damý maqsattary aıasynda Úkimet janyndaǵy jumys tobyn qurýdamyz. Onyń quramyna halyqaralyq sarapshylarmen qatar qazaqstandyq sarapshylar da kiretin bolady. Biz bul máselemen budan ary da jumys isteı beremiz. BUU-ǵa Qazaqstannyń jasyl tehnologııalarǵa qatysty bastamalaryna qoldaý bildirgeni úshin rızashylyq bildiremiz. Onyń jarqyn úlgisi «EKSPO-2017» kórmesi bola alady», - dep atap ótti Memlekettik hatshy.
Sonymen qatar Gúlshara Ábdiqalyqova Qazaqstan men BUU arasyndaǵy yntymaqtastyqtyń deńgeıi joǵary ekendigin, áleýmettik-ekonomıkalyq, genderlik teńdik, balalar quqyqtaryn qorǵaý, qorshaǵan orta, memlekettik qyzmet salalalaryndaǵy birlesken jobalardyń jemisti júzege asyrylyp jatqandyǵyn aıryqsha atap ótti.
«ıAǵnı, BUU-men qarym-qatynastyń múldem jańa kezeńine jetip otyrmyz. Ózińizde biletindeı qazirgi ýaqytta biz Almatyda BUU-nyń kópjaqty dıplomatııalyq habin qurý bastamasyn kóterip otyrmyz. Sizderdiń taraptaryńyzdan qoldaý kútemiz», - dep atap ótti ol.
Kezdesý sońynda Qazaqstannyń Memlekettik hatshysy Djıhan Sýltanoglýyn aǵymdaǵy jyldyń 31 tamyzynda EKSPO-2017 halyqaralyq kórmesi aıasynda ótetin «Áıelder bolashaq energııasy úshin» halyqaralyq forýmyna shaqyrdy.
