Almatyda BUU-nyń qandaı uıymdary shoǵyrlanady
«Mundaı sheshimniń shyǵýyna elimizdiń óńirlik jáne jahandyq qaýipsizdikti qamtamasyz etý isindegi joǵary bedeli de mańyzdy boldy. Almatyny kópjaqty yntymaqtastyqtyń óńirlik ortalyǵy dep ataýǵa bolady», - dedi Aqan Rahmetýllın.
Onyń aıtýynsha, búgingi tańda Almatyda halyqaralyq uıymdardyń ǵımaratynda aımaqtyq jáne sýbóńirlik mártebege ıe BUU-nyń 18 agenttiginiń ókildikteri ornalasqan (UNDP, IOM, UNESCO, UNEP, UNAIDS, UNFPA, UNICEF, UNOHCHR, UNODC, UNESCAP, UNHCR, UNISDR, UNOCHA, WHO, UNDSS, UNDGC, UN WOMEN, FAO). Sonymen qatar, qalada basqa halyqaralyq uıymdar men dıplomatııalyq korpýs bar.
«Osy turǵyda UNAMA-nyń ýaqytsha keńsesiniń ashylýy Almatynyń BUU-nyń óńirlik haby retindegi mártebesin odan ári nyǵaıtýǵa jaqsy kómek bolady», - dep qorytyndylady spıker.
Onyń aıtýynsha, Qazaqstan tarapy BUU qyzmetkerlerin ornalastyrý úshin BUU qaýipsizdik talaptaryna jáne basqa parametrlerge sáıkes keletin oryndy tabýǵa járdemdesedi.
«Biz UNAMA-nyń Qazaqstanda bolýyn halyqaralyq-quqyqtyq resimdeý máselesin pysyqtaýǵa kiristik. Aıta ketý kerek, BUU basshylyǵy osy mıssııa qyzmetkerleriniń bir bóligin ýaqytsha ornalastyrýdyń ártúrli nusqalaryn qarastyrdy. Almatynyń paıdasyna sheshim qabyldaý túrli faktorlarǵa baılanysty boldy. Onyń ishinde bizdiń ońtústik astanamyz qarjylyq jáne iskerlik belsendiliktiń iri óńirlik ortalyǵy, damyǵan ınfraqurylymy, sondaı - aq álemniń basqa elderimen yńǵaıly áýe qatynasy bar», - dep SІM ókili.
