Almatyda BUU konferentsııasy ótedi
ALMATY. Jeltoqsannyń 5-i. QazAqparat /Erbol Azanbek/ -Jeltoqsannyń 7-8 kúnderi Almatyda BUU konferentsııasy ótedi. Onda aımaqtaǵy daǵdarysqa qarsy saıasat máselesi talqylanady,
dep habarlaıdy QazAqparat.
Konferentsııany BUU-nyń 4 negizgi qurylymy (MOT, ıÝNISEF, FAO, BUUDB) QR Úkimetiniń qoldaýymen uıymdastyrady. Konferentsııaǵa 13 memlekettiń eńbek jáne áleýmettik, qarjy, ekonomıka, aýyl sharýashylyǵy mınıstrleri men BUU-nyń, halyqaralyq jáne aımaqtyq qarjy ınstıtýttarynyń, halyqaralyq eńbek uıymdarynyń ókilderi qatyspaq. Konferentsııa barysynda daǵdarystyń áseri, ony jeńý jolyndaǵy tájirıbeler, áleýmettik salaǵa daǵdarys áserin azaıtý, daǵdarysty jeńýdiń uzaq merzimdi strategııasyn jasaý máseleleri sóz bolady. Konferentsııada Qazaqstannyń Premer-Mınıstri Kárim Másimov, BUU Bas hatshysynyń, BUUDB Ákimshisiniń kómekshisi, BUUDB -nyń Eýropa men TMD elderindegi aımaqtyq dırektory Korı Ýdovıchkı baıandama jasaıdy dep kútilýde. Otyrys barysynda azyq-túlik qaýipsizdigi, áleýmettik qorǵaý, eńbekpen qamtý máseleleri boıynsha mınıstrler deńgeıinde 3 pikiralysý ótpek. Shara barysynda BAQ ókilderine arnaıy baspasóz máslıhaty ótkiziledi.
