Almatyda bútin bir otbasy botýlızm aýrýyna shaldyqty
«Jyl basynan beri Almaty qalasynda botýlızm aýrýynyń 6 jaǵdaıy tirkeldi. Atap aıtar bolsaq, eki eresek jáne 4 jasóspirim. 5 adam bir otbasynan. Olar úıde konservilengen kókónis ónimderin jegen. Durys óńdelmegen taǵamdardy tutynǵan kezde tiri qalǵan bakterııalar nemese sporalar botýlınder aǵzaǵa zııan keltiretin toksınderdi shyǵarady. Adamnyń botýlızm aýrýynyń qaýpi - bul tamaq ıntoksıkatsııasy»,- dep habarlady departamentten.
Botýlızm - bul «Clostrdium botulinum» dep atalatyn bakterııalyq toksınderden týyndaǵan qaýipti aýrý.
Botýlızm tek germetıkalyq jabylǵan bankalarda damı alady. Bul anaerobty batsılla, ol nashar jýylǵan shıkizatpen konservilengen ónimge túsedi. Ol adam aǵzasyna qaýipti botýlotoksındi bólip, ottegi jetispeıtin jaǵdaıda kóbeıedi.
«Botýlızm belgileri mynandaı bolady: bas aýrýy,ýyzdyń qatty qurǵaýy, júrek aınýy, qusý, ish ótý nemese ishtiń kebýi jáne ish qatý, jutyný men sóıleý qıyndaıdy. Sonymen qatar, bulshyqet paralıchiniń damýy múmkin»,- dep atap ótti vedomstvadan.
Sanıtar dárigerler, turǵyndardy ózin-ózi emdeýge shaqyrdy.
«Aıta ketetin mańyzdy jaıt, sıpattalǵan belgiler sizde qandaı da bir aýrýdyń bolýyna kepildik bermeıdi. Ózin-ózi emdeýmen aınalyspańyz. Bul sizdiń ómirińizge qaýip týdyrýy múmkin. Tek bilikti mamandardyń ýaqtyly kómegi sizge kepildik beredi jáne sizdiń ómirińizdiń qaýipsizdigin qamtamasyz etedi»,- deıdi qalalyq sanıtarııalyq-epıdemıologııalyq baqylaý departamentiniń ókilderi.