Almatyda býtıkterdiń birinen qymbat tondar urlandy
ALMATY. QazAqparat - Almatyda urylar býtıkterdiń birinen 15 asa qymbat qundyz tondy qoldy qyldy. Tipti, arasynda esh jerden satyp ala almaıtyn tek sángerlerdiń qolynan shyqqan ishikter de bolǵan. Urlanǵan eksklıýzıvti tondardyń eń arzany 300 myń teńgeden bastalady, dep habarlaıdy QazAqparat tilshisi.
Urlyq tańǵy saǵat tórt jarymda bolǵan. Beınekamera arqyly jazylǵan vıdeoda eki jigittiń dúken ishine esikten kirgenderi kórinedi. Kire salysymen birden qundyz tondar ilinip turǵan bóliktegi jaǵaly kıimderdi japatarmaǵaı alyp jatqandary kameraǵa túsip qalǵan.
«Biletin adam dep oılaımyz. Óıtkeni, kassada aqsha bolmaıtynyn bilgen. Tek tondardy alyp ketken. Eger bilmeıtin adam bolsa, basqa tondardy alyp keter edi», - deıdi Aıdana Omarova.
Dúken qojaıynyń aıtýynsha, onyń 6 mıllıon teńge shyǵyn ákelgen qaraqshylardy tapqan adamǵa arnaıy syıaqysy bar. Qazir atalǵan fakti boıynsha is qozǵalyp, tergeý jumystary júrgizilip jatyr.
