Almatyda burynǵy Túrksib aýrýhanasy sáýlet eskertkishteri qataryna qosylmaq
ALMATY.QazAqparat - Almaty ákimi Baýyrjan Báıbek burynǵy Túrksib aýrýhanasy ǵımaratyn qalanyń sáýlet eskertkishteri qataryna qosýyn qarastyrýdy tapsyrdy, dep habarlaıdy QazAqparat tilshisi.
Abaı kóshesiniń boıynda ornalasqan ǵımarat sáýletshi Mıhaıl Kýdrıavtsev jobasymen 1950 jyldary salynǵan.
Ǵımaratta basty kireberis pen ǵımarattyń aldyńǵy jaǵynda portaldar, parapetter, kúrdeli karnızderge mán berilgen. Olardy kompozıttik kolonnalar kóterip tur. Portaldyń arkalary, lıýnetteri oıýlary bar beldeýlermen bezendirilgen.
Ǵımarat qaladaǵy klassıkalyq jáne óńirlik dástúrlerdi sıntezdeýdi pash etetin «ulttyq úlgidegi» saqtalyp qalǵan az nysannyń biri. Ol Almatynyń basty magıstraldarynyń boıyndaǵy salynǵan qurylystardyń mańyzdy elementteriniń biri bolyp sanalady.
QR «Tarıhı-mádenı muralar obektilerin qorǵaý jáne paıdalaný týraly» zańyna sáıkes nysandy tizimge engizý tarıhı jáne mádenı eskertkish mártebesin berý úshin jasalady. Nysannyń mártebesi týraly naqtyly sheshim qabyldanǵanǵa deıin osy zańǵa sáıkes ol tarıhı-mádenı muralar eskertkishterimen birdeı qorǵalady.
Zańǵa sáıkes ony paıdalanýshy eskertkishti qorǵaǵandaı muqııat bolýy tıis. ıAǵnı, ǵımarattyń syrtyn, ishin qaıta jasaýǵa, konstrýktsııalaryn alý, qosalqy qurylys salýǵa, maqsatty paıdalanylýyn jáne aınalasyn ózgertýge tyıym salynady. Ǵımarattyń ishin jóndeý nemese qaıta jasaý úshin ókiletti organnyń kelisimi qajet.
Aıta ketý kerek, buryn Almaty ákimi Baýyrjan Baıbek zańnamaǵa sáıkes «Saıran» avtovokzalyn jergilikti mańyzy bar tarıhı eskertkishter tizimine engizý týraly máseleni qaraýdy tapsyrǵan bolatyn.
