Almatyda burynǵy tergeý ızolıatorlarynyń ǵımaratynda Kreatıvti ındýstrııalar parki ashylady
«Almatyny «smart-sıtı» retinde damyta otyryp, kreatıvtik ındýstrııalardyń damyǵan sektoryn qurý baǵytynda qatar jumys isteımiz. Qazirdiń ózinde Almatyda kreatıvti ındýstrııalarda 50 myńnan astam adam jumys isteıdi. Bizde kreatıvti ekonomıkamen aınalysatyn 4,3 myńnan astam kásipker men 3,6 myń kompanııa tirkelgen. Elimizdiń kreatıvti bıznesiniń jartysynan astamy (53%) Almatyǵa tıesili», - dedi qala ákimi Baqytjan Saǵyntaev Ortalyq kommýnıkatsııalar qyzmetinde.
Shahar basshysy keleshekte bul sandardyń eselep artatynyna senim bildirdi.
«Kún saıyn 700-ge jýyq adam jumys isteıtin «Alataý» kreatıvti haby jumys isteıdi. Bıyl Medeý aýdanynda da hab ashamyz. Jyldyń sońyna deıin burynǵy tramvaı parki bazasynda Depo Evolution Park salynady. Sondaı-aq burynǵy tergeý ızolıatorlarynyń ǵımarattar kesheni bazasynda Kreatıvti ındýstrııalar parki ashylady. Kreatıvti sektorda jumys isteıtin bıznes úshin «Almaty Finance» jáne «Almaty Mıkro qarjy uıymy» jelileri boıynsha qarjylyq qoldaý kórsetiledi. Bizdiń bul tájirıbemiz Memleket basshysynyń tapsyrmasy boıynsha búkil elge keńinen taraıtyn bolady», - dedi ákim.
