Almatyda burynǵy sýdıa Kúlpash Ótemisovaǵa qatysty sot úkimi shyqty
ALMATY. QazAqparat - Almatyda burynǵy sýdıa Kúlpash Ótemisova 4 jyl 6 aıǵa bas bostandyǵynan aıyryldy. Sonymen qatar, oǵan 3 jyl boıy memlekettik qyzmette jumys isteýge tyıym salyndy.
Bul týraly qalalyq sot baspasóz hatshysy Qýandyq Eshimet aıtty.
Onyń aıtýynsha, eks-sýdıa jazasyn jalpy rejimdegi kolonııada óteıtin bolady. Úkimdi Almaly aýdandyq sotynyń sýdıasy Gúlshahar Shynybekova shyǵardy.
Esterińizge sala keteıik, burynǵy sýdıa Kúlpash Ótemisova QR QK 350-babynyń 2-tarmaǵy boıynsha (kórineý ádiletsiz sot úkimin, sheshimin nemese ózge de sot aktisin shyǵarý) aıyptalǵan bolatyn.
2013 jyly 28 naýryzda almatylyq kásipker A. Sýtıagınskıı qarýdy zańsyz saqtap, adam óltirýdi uıymdastyrǵany úshin 12 jylǵa bas bostandyǵynan aıyrylǵan bolatyn.
2013 jyldyń 12 tamyzynda aıyptalýshynyń jazasy 6 jyl shartty túrge jumsartylǵan edi. Osy iste apellıatsııalyq sottyń sýdıasy retinde Kúlpash Ótemisova tórelik etken. Keıinnen kassatsııalyq sot alqasy apellıatsııalyq alqanyń shartty merzim týraly qaýlysynyń kúshin joıyp, bastapqy úkimdi qalpyna keltirdi.
Kóp uzamaı, 2013 jyly 6 qyrkúıekte isti júrgizgen K. Ótemisova ustalǵan edi.
