Almatyda burynǵy mektep dırektory para alǵany úshin sottaldy

NUR-SULTAN. QazAqparat – Almaty qalasy «№98 jalpy bilim beretin mektep-gımnazııasy» KMM burynǵy dırektory para alǵany úshin sottaldy, dep habarlaıdy QR Sybaılas jemqorlyqqa qarsy is-qımyl agenttiginiń baspasóz qyzmeti.

«Almaty qalasynyń Sybaılas jemqorlyqqa qarsy qyzmeti »№98 jalpy bilim beretin mektep gımnazııasy« KMM burynǵy dırektory D. A. Naızabekovaǵa qatysty sotqa deıingi tergeýdi aıaqtady. Ol oqýshyny »№181 jalpy bilim beretin mektep gımnazııa« KMM-nen №98 mektepke esh kedergisiz aýystyrǵany úshin 50 myń teńge kóleminde para aldy degen kúdikke ilingen» delingen habarlamada.

Málimetke saı, bıyl 27 qyrkúıekte Almaty qalasy Medeý aýdandyq №2 aýdandyq sotynyń úkimimen D. A. Naızabekova para alǵany úshin sottaldy jáne oǵan 1 mln. 250 myń teńge kóleminde aıyppul salyndy, sondaı-aq memlekettik qyzmette laýazymdy qyzmetpen aınalysýǵa ómir boıyna tyıym salý jazasy da belgilendi.