Almatyda burynǵy McDonald's meıramhanalar jelisi qaıta ashyldy
Kompanııanyń baspasóz qyzmetinen habarlaǵandaı, jyldam qyzmet kórsetetin meıramhanalardyń ashylýy birtindep júrgiziledi, bastapqy kezeń ishinde Almatyda 5 meıramhana ashylady.
Qazirgi ýaqytta daıyndyq jumystary aıaqtaldy, meıramhanalar barlyq qajetti ónim kólemin aldy jáne resmı ashylýǵa daıyn.
Jabylý ýaqytyna deıin jumys istegen meıramhanalardaǵy barlyq qyzmetkerlerdiń jumys oryndary, jalaqylary jáne basqa da eńbek sharttary tolyq saqtalady. Meıramhanalardyń jumysy osyǵan deıin qabyldanǵan sapa men qyzmet kórsetýdiń barlyq joǵary standarttaryn, sondaı-aq bıznesti júrgizýdiń qundylyqtary men prıntsıpterin eskere otyryp jalǵasady.
«Bul — bizdiń kompanııa ómirindegi jańa kezeń. Biz qonaqtar úshin ár qalada ornalasqan meıramhanalardyń esigin birtindep ashpaqpyz. Biz qoǵamdyq tamaqtaný ındýstrııasyndaǵy kóshbasshylyq pozıtsııamyzdy saqtap qalýdy kózdeımiz. Bizge qoldaý kórsetken qyzmetkerlerimizge, seriktesterimizge jáne memlekettik organdarǵa shynaıy alǵysymyzdy bildiremiz. Ázirge meıramhanalar ataýsyz ashylady, jaqyn arada biz jańa atymyzdy jurtshylyqqa tanystyramyz», - dedi «Food Solutions KZ» JShS Bas dırektory Áset Mashanov.