Almatyda burynǵy bilim mınıstri Shaısultan Shaıahmetovty eske alýǵa arnalǵan «Hımııalyq bilim berý salasynyń qazirgi zamanǵy máseleleri» atty ǵylymı konferentsııa ótip jatyr

dep habarlaıdy QazAqparat.

Konferentsııa jumysyna QazUÝ-niń Janý problemalary ınstıtýty, E. Bóketov atyndaǵy QarMÝ jáne Q.Sátbaev atyndaǵy QazUPÝ-dyń fızıkalyq-hımııalyq ádisterin zertteý ortalyqtarynyń qyzmetkerleri, sondaı-aq hımııa salasynyń  mamandary men ǵalymdary qatysýda.  Ǵylymı konferentsııada hımık-mamandar daıyndaýdyń ádistemelik aspektileri men ýnıversıtette ǵylymı zerteýlerdiń uıymdastyrylýy jóninde máseleler talqylanýda.

«Shaısultan Shaıahmetulynyń bilim berý mınıstrligindegi qyzmeti elimizdiń tarıhynda úlken áleýmettik ózgeristerge toly jyldarǵa keldi. Memleketimizdiń uıymdasýy men qalyptasýynyń sol kezeńinde maman daıyndaý máselesi asa mańyzdy bolǵan. Bilim berý salasynyń bolashaǵyn boljaı alatyn uly qaıratker, bul úrdistiń demokratııalyq jáne ınnovatsııalyq jolmen damý qajettigin negizdeı bildi. Ol halyqaralyq «Qazaq tili» qoǵamyn, memlekettik til úıretý ortalyǵyn ashyp, bul uıymdardyń jumysynyń órkendeýindegi bilim berý júıesiniń bar býynyndaǵy oqytý jáne tárbıeleý isiniń sabaqtastyǵyna erekshe mán bergen adam. Qazirgi ulttyq bilim berý saıasatynyń negizgi ustanymdary - joǵary mektepti quqyqtyq qamtamasyzdandyrý, dıplomdardyń konvertatsııasy, álemdik bilim berý júıesine kirý, kezinde onyń salyp ketken sara joly. Ol - adamı qasıeti erekshe mol, aqyldy, parasatty, bilimi keń, uly, dara tulǵa edi», dep eske aldy isin jalǵastyrýshy shákirti, QR Memlekettik syılyqtarynyń laýreaty,  pedagogıkalyq ǵylymdar akademııasynyń prezıdenti Asqarbek Qusaınov.

 QazUÝ-nyń katalız, kolloıdtyq hımııa jáne munaı hımııasy kafedrasynyń professory Ázimbek Qoqanbaevtyń aıtýynsha, qazirgi ýaqytta hımııa fakýltetinde 7 kafedra, 7 ǵylymı labaratorııa, sonymen qatar birneshe ǵylymı ortalyqtar jumys isteıdi. Egemendigimizdi alǵaly beri kóptegen qazaq tilinde jazylǵan oqý ádistemelik quraldar jazylǵan, JOO-da qazaq tilinde oqytý 75 paıyzǵa ósken.

Qysqasha bıografııa: Sh.Sh. Shaıahmetov Qazaqstan Respýblıkasynyń Injenerlik Akademııasynyń korrespondent-múshesi, Máskeý halyqaralyq tvorchestvo Akademııasynyń múshesi, Amerıkanyń «Grand Kanon» ýnıversıtetiniń qurmetti professory, sambodan Keńester Odaǵynyń sport sheberi. Ol aspıranttan úlken ǵalymǵa deıin, ınspektordan bilim mınıstrine deıin, qarapaıym saılaýshydan QR joǵary Keńesiniń depýtatyna deıin ósken tulǵa. Sh. Shaıahmetov óziniń ǵylymı-pedagogıkalyq qyzmetin Qazaq memlekettik ýnıversıtetinde bastaǵan. M.V. Lomonosov atyndaǵy Máskeý memlekettik ýnıversıtetiniń hımııa fakýltetin bitirgennen keıin QazMÝ-diń  joǵary molekýlalyq qosylystar kafedrasynda ǵylymı jáne pedagogıkalyq qyzmetterimen aınalysqan. Shet el oqý oryndarymen jáne ǵylymı uıymdarymen yntymaqtasýdyń ekonomıkalyq tıimdi ólshemderin damytýdy osy baǵyttyń negizgi joly retinde qalyptastyrdy.  Hımııa termınderinen birneshe qazaqsha-oryssha sózdikterin shyǵarǵan.