Almatyda burylysty shatastyrǵan júrgizýshi kópir baǵanyna soǵyldy
ALMATY. QazAqparat - Almatyda burylysty shatastyryp alǵan júrgizýshi ózimen qosa taǵy 3 adamnyń zardap shegýine sebepker boldy, dep habarlaıdy QazAqparat tilshisi oqıǵa ornynan.
Almatyda Rysqulov dańǵylymen kele jatqan «Mersedes» kóligi Kúderın kóshesimen qıylystaǵy kópirdiń baǵanyna soǵylǵan.
Boljam boıynsha, júrgizýshi Rysqulov dańǵylymen kelip, Kúderın kóshesine burylmaq bolǵan. Alaıda, ol jerde eki burylys bar: biri kópir astyndaǵy avtoturaqqa aparatyn jol bolsa, ekinshi soltústik aınalma jolǵa aparatyn kóshe. Eki burylysty shatastyryp alǵan júrgizýshi ortasyndaǵy kópir baǵanyna soǵylǵan.
Jol-kólik apatynan 4 jolaýshy zardap shekti. Onyń ekeýi qyz. Zardap shekkenderdi jedel járdem kóligimen aýrýhanaǵa alyp ketti. Oqıǵa sebebin polıtsııa qyzmetkerleri anyqtaýǵa kiristi. Júrgizýshiniń ishimdik ishkeni týraly ázirge aqparat joq. 
