Almatyda búldirshinderdi balabaqshaǵa qabyldaý júıesi jańardy
ALMATY. QazAqparat - Almatyda bıyl búldirshinderdi balabaqshaǵa qabyldaý balabaqsha.open-almaty.kz saıty arqyly júzege asatyn boldy, dep habarlaıdy QazAqparat tilshisi.
Qalalyq bilim basqarmasynyń baspasóz qyzmeti habarlaǵandaı, bıyl 15-mamyrdan bastap balalar balabaqshalarǵa jańa júıe boıynsha ornalastyrylady.
Bul úshin ata-analar nemese zańdy ókilder HQO-dan elektrondy-tsıfrlyq qoltańba alýy shart. Sosyn kórsetilgen saıtqa kirip, elektrondy-tsıfrly qoltańda arqyly jeke kabınetke ótýi tıis.
Ary qaraı jeke kabınette baılanys derekterin engizý nemese ózgertý kerek.
«Týǵan kúnderi qazan, qarasha aılaryna sáıkes keletin balalardy basqarý júıesi avtomatty túrde kelesi jylǵa qaldyrady. Bul júıede bos oryndary bar memelekettik nemese jeke balabaqshalar kórsetiledi. Joldama alý merzimi 3 jumys kúnine sozylady», - dedi basqarmadaǵylar.
Mamandar joldama berilgen balabaqshaǵa ata-analar 5 jumys kúni ishinde habarlasýyn suraıdy.
Araılym Joldasbaı
