Almatyda Buqtyrma kóshesi ýaqytsha jabylady
ALMATY. QazAqparat – Almatyda aınalma joldyń qurylysyna baılanysty Buqtyrma kóshesi bir aptaǵa jabylady, dep habarlaıdy QazAqparat tilshisi.
Almaty qalalyq mobıldilik basqarmasy málim etkendeı, 5 qarashadan bastap Almatyda Kulja tas jolynyń soltústiginde Buqtyrma kóshesi boıymen qozǵalys toqtatylady.
Júrgizýshiler jol ashylǵanǵa deıin 5-10 qarasha aralyǵynda Rysqulov jáne Súıinbaı dańǵyly, Shemıakın jáne Maılın kóshelerimen júre alady.
Al 10 qarashadan bastap Buqtyrma kóshesiniń soltústik-shyǵysyna qaraı ýaqytsha aınalma jolmen júrýge ruqsat beriledi. Qazirgi tańda munda daıyndyq jumystary júrip jatyr.
