Almatyda Búkilálemdik týberkýlezben kúres kúni atalyp ótti
ALMATY. QazAqparat - Búgin Almatyda QR Densaýlyq saqtaý mınıstrligi Ulttyq Ftızıopýlmonologııa ǵylymı ortalyǵy jáne S.D.Asfendııarov atyndaǵy Qazaq Ulttyq medıtsınalyq ýnıversıtetiniń ftızıopýlmonologııa kafedrasynyń uıymdastyrýymen Búkilálemdik týberkýlezben kúres kúni atalyp ótti, dep habarlaıdy QazAqparat tilshisi.
Konferentsııaǵa Qazaqstan Respýblıkasy Densaýlyq saqtaý mınıstrligi «QR Ulttyq ftızıopýlmonologııa ǵylymı ortalyǵynyń» dırektory Málik Ádenov Almaty qalasy Densaýlyq saqtaý basqarmasynyń basshysy Serikbol Mýsınov, S.D.Asfendııarov atyndaǵy Qazaq Ulttyq medıtsınalyq ýnıversıtetiniń rektory Talǵat Nurǵojın, USAID mıssııasynyń Orta Azııadaǵy aımaqtyq dırektory Krıstofer Edvard qatysty.
«Búkilálemdik týberkýlezben kúres kúniniń negizgi maqsaty - bul problemanyń abstraktili emes ekendigin jáne kez kelgenimiz bul jaǵdaıǵa dýshar bolýymyz múmkin ekendigin qoǵamǵa jetkizý. Sondyqtan da bul aktsııanyń sátti ótýi árbir adamnyń jeke ustanymyna baılanysty. Derttiń aldyn alýdy árqaısymyz ózimizden, ómir súrý saltymyzdan bastaýymyz qajet. ıAǵnı, jyl saıyn flıýorografııalyq tekserýden ótip turýymyz abzal. Tek óz qaýipsizdigimizdi saqtaý úshin emes, sonymen qatar balalarymyz men jaqyndarymyzdy da indetten qorǵaý úshin derttiń aldyn alý boıynsha sharalar qabyldap otyrýymyz qajet. Al eń mańyzdysy - derttiń birinshi belgileri baıqalǵan jaǵdaıda qaýipti indettiń odan ári asqynyp ketpeýine jol bermeý úshin dereý medıtsına qyzmetkerlerine qaralý qajet», - dedi S.D.Asfendııarov atyndaǵy Qazaq Ulttyq medıtsınalyq ýnıversıtetiniń rektory Talǵat Nurǵojın.
Aıta keteıik, Dúnıejúzilik Densaýlyq saqtaý uıymy «EndTB» strategııasynda 2035 jyly týberkýlezden bolatyn ólim-jitimdi 95%-ǵa deıin jáne týberkýlezge shaldyǵý jaǵdaıyn 90%-ǵa deıin tómendeıtinin jetkizgen.
