Almatyda Búkilálemdik fılosofııa kúni atalyp ótýde
ALMATY. Qarashanyń 19-y. QazAqparat /Názıra Eleýhan/ - Búgin Almatyda Búkilálemdik fılosoftar kúni men Qazaqstandaǵy fılosofııalyq bilimniń 60 jyldyǵyna aranalǵan «HHІ ǵasyrdaǵy fılosofııanyń damý joldary: Álemdik fılosofııa tarıhyndaǵy qazaqstandyq fılosofııa» atty «dóńgelek ústel» májilisi bolyp ótti,
dep habarlaıdy QazAqparat.
Otyrys Ál-Farabı atyndaǵy QazUÝ-niń fılosofııa jáne saıasattaný fakýlteti men áleýmettik fılosofııa kafedrasynyń jáne Halyqaralyq bıznes ýnıversıtetiniń qoldaý kórsetýimen uıymdastyryldy. Jıynǵa qatysýshylar Elbasynyń ǵalymdar men ustazdar aldynda qoıǵan ıntellektýaldy ult pen «bilim qoǵamyn» qalyptastyratyn strategııanyń aıasynda otandyq ǵylymnyń ózekti máseleleri men fılosofııalyq mánin, sonymen qatar, HHІ-shi ǵasyrdyń dıalektıkalyq damýyn, qazaq fılosofııasy men álemdik fılosofııanyń dástúrin jáne mádenıet fılosofııasyndaǵy ózekti máselelerdi talqylady.
«Búgingi zamanǵa saı fılosofııa fýnktsııalary tek qana ejelgi fılosofııalyq qundylyqtardy ornatý ne bolmasa bilimdi ósirý men taratý bolyp tabylmaıdy, ol eń aldymen jastardy synı baǵytta erkin oılaýǵa tárbıeleıdi», dedi Ál-Farabı atyndaǵy QazUÝ-niń professory Beket Nurjanov.
Shara sońy stýdentter merekesimen jáne kınosynshy Oleg Boretskııdiń «Fılosofııa: matrıtsanyń defragmentızatsııasy» taqyrybyndaǵy kıno klýb jıynymen aıaqtalady. Jıynnyń qorytyndysy, bas qosýda jasalǵan baıandamalar negizinde qazaqstandyq jetekshi fılosoftar men jas ǵalymdardyń ǵylymı maqalalary jınaq túrinde shyǵatyn bolady. Búkilálemdik fılosofııa kúni 2002 jyldan bastap ıÝNESKO baǵdarlamasynyń uıymdastyrýymen atalyp keledi. Onyń basty maqsaty - qazirgi tańdaǵy fılosofııanyń rýhanı mıssııasyn kórsetý. Bıylǵy fılosoftar kúni «Fılosofııasyz ıÝNESKO-nyń máni joq» uranymen toılanbaq.
