Almatyda búkil memlekettik organ ǵımarattary terrorısterden tazartyldy - ІІM

ALMATY. QazAqparat - Almatyda kontrterrorıstik operatsııa áli jalǵasyp jatyr, dep habarlaıdy QazAqparat Habar 24 arnasyna silteme jasap.

Almatyny lańkesterden tazartý jumysy áli júrip jatyr. Respýblıka alańy, qalalyq ákimdik, Prezıdent rezıdentsııasy, búkil memlekettik organ ǵımarattary baqylaýǵa alynǵan.

6 qańtar kúndiz qylmystyq toptar qaladaǵy bir polıtsııa ýchaskesine shabýyl jasaǵan. Degenmen quqyq qorǵaý organdary ǵımaratty qorǵap qaldy.

Bul jaıynda Almaty qalalyq polıtsııa departamentiniń resmı ókili Saltanat Ázirbek aıtyp berdi.

«Terrorıster Qarasaı batyr kóshesinde ornalasqan Almaly aýdany polıtsııa basqarmasynyń ǵımaratyn basyp alýǵa tyrysty. Shabýyl jasaǵan lańkesterdiń kózi joıyldy» dep atap ótti qalalyq PD resmı ókili.