Almatyda búginnen bastap 60 jańa avtobýs jolǵa shyqty

ALMATY. QazAqparat- Almatyda búginen bastap №38, 38a jáne №37 marshrýttaryna 18 metrlik 60 avtobýs qosyldy, dep habarlaıdy QazAqparat tilshisi.

Almaty qalalyq ákimdigi málim etkendeı, buǵan deıin jyljymaly avtobýstardyń jetispeýshiligine baılanysty bul baǵyttardaǵy qozǵalys aralyǵy 40 mınýtqa deıin jetken.

Avtobýstardy jańartý arqasynda qarbalas ýaqytta júris jıiligi 6-7 mınýtqa deıin azaıady.

Aıta ketý kerek, bosatylǵan avtobýstar №201 marshrýttyń jyljymaly quramyn aýystyrady.

Osylaısha №201 marshrýtta 24 avtobýs qyzmet kórsetedi.

Osyǵan deıin bul marshrýtta qozǵalys aralyǵy 15 mınýtqa deıin edi, jańa avtobýstardyń arqasynda qozǵalys aralyǵy 7 mınýtqa deıin azaıady.

Aıta keteıik, megapolıste bıyl kommýnaldyq avtopark 600 gaz avtobýsy men 100 trolleıbýs satyp alyp otyr.

100 avtobýs qalaǵa keldi jáne qujattarynyń resimdelýine qaraı jelige shyǵyp jatyr.

Qalǵan avtobýstardy jyl sońyna deıin qalaǵa jetkizý josparlanǵan.