Almatyda búgingi jer silkinisinen ǵımarattar búlingen joq - TJD

ALMATY. QazAqparat – Almatyda 2 baldyq jer silkinisinen qıraǵan nemese búlingen ǵımarattar bolǵan joq. Bul týraly qalalyq Tótenshe jaǵdaılar departamentiniń baspasóz qyzmetinen málim etti, dep habarlaıdy QazAqparat tilshisi.

Vedomstvonyń málimetinshe, tıisti memlekettik mekemelerge habarlamalar jiberilgen soń, búlingen nemese qıraǵan ǵımarattardyń baıqalmaǵany belgili boldy. Qazirgi ýaqytta jaǵdaı turaqty.

Sondaı-aq, Seısmologııa ınstıtýtynyń málimetinshe, búgingi jer silkinisi fondyq sanatqa jatady, mundaı álsiz silkinisten soń aftershok bolmaıdy.

Eske salaıyq, búgin Almatyda jergilikti ýaqytpen saǵat 16:56-da 2 baldyq jer silkinisi sezildi.