Almatyda búgingi zamanǵy onkologııa jáne radıologııanyń damý keleshekteri men jetistikteri talqylanatyn bolady
ALMATY. 4 Qarasha. QazAqparat /Názıra Eleýhan/- Almatyda 11-14 qarashada "Búgingi zamanǵy onkologııa jáne radıologııanyń damý keleshekteri men jetistikteri" degen taqyrypta halyqaralyq ǵylymı-tájirıbelik konferentsııa ótedi. Atalmysh shara Qazaq onkologııa jáne radıologııa ǵylymı-zertteý ınstıtýtynyń 50 jyldyǵyna arnalǵan.
Mereıtoılyq konferentsııaǵa Germanııa, Ulybrıtanııa, Italııa, Shveıtsarııa, Serbııa, Avstrııa, Ońtústik Koreıa, Sıngapýr, Japonııa, Izraıl jáne taǵy da basqa elderden 45-ten asa tanymal ǵalymdar qatysady.
Shara barysynda erte dıagnostıkalaý men skrınıng, sút bezi, jatyr moıyny, kolorektaldy rak máselelerine baılanysty sektsııalyq májilister men sheberlik synyptar ótkizilmek. Konferentsııada basty nazar qan aýrýlaryn emdeý men erte dıagnostıkalaýǵa, medbıke jumysynyń menedjment máselelerine aýdarylmaq.
Shara uıymdastyrýshylary, onkologııa jáne radıologııa ǵylymı-zertteý ınstıtýtynyń basshylarynyń aıtýynsha bul konferentsııa álemdik salalyq qoǵamdastyqta, Qazaqstan onkologııa qyzmetiniń úlken jetistiktergi jeteleýine, básekelestik ortanyń qalyptasýyna yqpal etpek.
2009 jyly Qazaqstan sońǵy bes jylǵa TMD elderi ishinde onkologııalyq Eýropa mektebiniń jalǵyz áriptesi bolyp tańdap alynǵan bolatyn. Osyǵan baılanysty bizdiń elimizde 2012 jyly TMD elderi onkologtarynyń VII sezin ótkizý josparlanýda.
