Almatyda búgin túnde jol apaty men órttiń saldarynan 4 adam qaza tapty - TJD
ALMATY. Aqpannyń 19-y. QazAqparat /Názıra Eleýhan/ - Búgin túnde bir órt jaǵdaıy, eki jol oqıǵasy oryn alyp, barlyǵy tórt adam qaza tapty. Jalpy, biryńǵaı dıspetcherlik-kezekshiligine, «112» telefon qońyraýyna - 2490 qońyraý kelip tústi, onyń 2463-i anyqtamalyq-aqparat qońyraýyna soǵyldy.
Adam ómirine qaýip tóngen -10 qońyraý, asa qaýipti emes - 12 qońyraý tirkeldi, dep habarlaıdy QazAqparat tótenshe jaǵdaılar departamentine silteme jasap.
Departamenttiń málimetinshe, búgin túnde Sátbaev jáne Tilendıev kóshesinde oryn alǵan jol apatynan eki adam qaıtys bolǵan. «BMV» avtokólik júrgizýshisi kólikti basqara almaı, adamdy basyp ketip, jol jıegindegi baǵanaǵa soǵylyp, oqıǵa ornynda qaza tapqan.
Alataý aýdanynda, Saın kóshesinde ornalasqan 4-shi úıdiń jertólesinde qoqys janýy saldarynan órt bolǵan. Órt sóndirý barysynda turǵylyqty jeri joq (BOMJ) 2 adamnyń máıiti tabylǵan. Olar týraly málimetter jınalyp, aty-jónderi anyqtalýda.
