Almatyda búgin Fırýza Sharıpovanyń chempıondyq kezdesýi ótedi
ALMATY. QazAqparat - Búgin, 30 jeltoqsanda Almaty Arena sport kesheninde kásipqoı boksshy Fırýza Sharıpova men belgııalyq «Pıtbýl» - Djemılla Gontarıýk arasynda chempıondyq kezdesý ótedi.
Olar IBO jáne WBC Silver tıtýlyn sarapqa salady. Eger bul kezdesý otandasymyzdyń jeńisimen aıaqtalsa ol eki salmaq dárjesinde álem chempıony atanady.
Bul aıqasta álemge tanymal Danıel Van de Vıl tóreshilik etetin bolady. Ol 1363 bokstyq kezdesýlerde, atap aıtqanda Maık Taıson, Lennoks Lıýıs, kishi Floıd Meıvezer, Mennı Pakıao jáne kóptegen tanymal boksshylardyń jekpe-jegine tórelik etken.
Sonymen qatar, bul keshtiń anderkardynda taǵy tórt belbeýlik kezdesýler ótedi. Qazaqstandyq boksshy Alı Ahmedov jartylaı aýyr salmaqta WBC Youth belbeýine talassa, onyń otandasy Erjan Zalılov grýzııalyq Vasıko Lýkashvılı men WBC CISBB Silver tıtýlyn sarapqa salady. Reseı sportshysy Inna Sagaıdakovskaıa WBC Silver chempıondyq tıtýldar IBO jáne WBC Interim úshin afrıkalyq Mapýle Ngýbanege qarsy shyǵady, al, reseılik Sergeı Dýdınskıı jeńilip kórmegen kazaq Aıdyn Eljanovpen WBC CISBB Silver jáne WFA (World Fighting Assotiation) belbeýlerin ortaǵa salady.
Fırýza Sharıpova men Djemılla Gontarıýk jekpe-jegin tikeleı efırden «Habar», «Boks TV», «Match TV», «Match! Boets», Live, halyqaralyq FOX Sports jáne kóptegen telearnalar kórsetedi. Sondaı-aq 50 memleketke taralady. Qazaqstanda «Habar» arnasynan tikeleı efır Astana ýaqytymen saǵat 23:00-de bastalady.
