Almatyda BRT jelisindegi qozǵalys jolaǵy ózgermeıtin boldy
ALMATY. QazAqparat- Qalalyq mobıldilik basqarmasy Tımırıazev kóshesiniń boıyndaǵy BRT (júrdek avtobýs jelisiniń) oń jaq shetki jolaqqa aýystyrýdyń ózektiligi men tıimdiligin qarastyrdy, dep habarlaıdy QazAqparat tilshisi.
«Basqarmaǵa BRT jelisiniń boıynda turatyn turǵyndardan, qoǵamdyq kólik jolaýshylarynan jáne avtokólik júrgizýshilerinen 100-den astam ótinish tústi. Olar Tımırıazev kóshesiniń boıyndaǵy BRT jelisine ózgeris engizbeýdi surady. Barlyq ótinish qaraldy. Joǵaryda aıtylǵandardy negizge ala otyryp, bıýdjet qarajatyn tıimdi paıdalaný maqsatynda Tımırıazev kóshesin qaıta jańǵyrtýdy orynsyz dep sanaımyz», - dep jaýap berdi qalalyq qalalyq mobıldilik basqarmasynan.
Buǵan deıin qala ákiminiń Bostandyq aýdanynyń turǵyndarymen kezdesýinde almatylyqtar BRT jelsiniń zardabyn aıtyp dabyl qaqqan bolatyn.
Erbolat Dosaev bul máseleni qozǵalys jolaqtarynyń aýystyrýymen sheshetinin jetkizgen edi. Qazir munda avtobýstar ortańǵy jolmen, al mashınalar kósheniń qaptalymen júredi.
Eske salaıyq, Almatynyń 2040 jylǵa deıingi bas josparynda qoǵamdyq kólik máselesi qalaı sheshiletini týraly jazylǵan.
Qujatqa sáıkes, 2025 jylǵa qaraı qoldanystaǵy BRT jelisi «Shyǵys qaqpasy» polıortalyǵyna deıin uzartylady. Raıymbek dańǵyly boıymen jańa BRT jelisin iske qosý josparda.
Osylaısha, júrdek avtobýstar jelisi 40 shaqyrymǵa uzarady.
