Almatyda BRT jelisimen 18 metrlik avtobýstar júretin boldy
ALMATY. QazAqparat -Almaty ákimi Baýyrjan Baıbek jumys sapary kezinde qalanyń kólik ınfraqurylymyn rekonstrýktsııalaý qarqynyn tekserip, №128 baǵyt boıynsha qyzmet kórsetetin jańa avtobýstardy tamashalady, dep habarlaıdy Qazaqparat tilshisi.
BRT avtobýs jelisinde 17 baǵyt boıynsha 300-den astam kólik júretin bolady. Jolaýshylar kóligi jáne avtomobıl joldary basqarmasynyń aqparaty boıynsha jyl aıaǵyna deıin 18 metrli avtobýstar júretin qosymsha baǵyt ashý josparlanǵan.
«Júrgizilgen saraptama boıynsha, BRT jelisin iske qosýdyń arqasynda jolaýshylar aǵyny bir kúnde 100-den 142 myń adamǵa, ıaǵnı ótken jyldyń osy kezeńimen salystyrǵanda 40 paıyzǵa artatynyn kórsetti. «Atakentten» Qazaq Ulttyq Ýnıversıtetine avtobýs 2,5 mınýtta jetedi eken, al buryn 10 mınýtqa sozylatyn», - dedi basqarma ókilderi.
Tımırıazev kóshesiniń keıbir qıylystaryndaǵy baǵdarsham obektilerinde jaıaý júrginshiler úshin jeke fazalar qarastyrylady. Jol apatynyń aldyn alý úshin ІІD birge vıdeofıksatsııanyń avtomatty jelisi ornatylatyn 10 toraptyq núkte belgilendi.
Qazir BRT jelisi boıynsha 28 tuǵyrnama, 68 beketti pavılon jasaqtalyp jatyr.
Trotýarlar men velojoldar abattandyrylýda, jasyl jelek otyrǵyzylýda. Aıdyń sońyna deıin Mustafın jáne Súleımenov kóshelerine jaryq beretin 115 torsherdi montajdaý aıaqtalady.
Jumys sapary barysynda megapolıs basshysy jeke avtopark alǵan Yutong markaly jańa avtobýstardy kórdi.
Eski jyljymaly quramǵa turǵyndar tarapynan kóp shaǵym túsetin. Ony retke keltirý úshin №128 baǵyt boıynsha endi tómen edendi 12 metrli 17 kólik jolaýshylardy tasymaldaıdy. Bulardan ózge, qarashada №72 baǵyttaǵy avtobýstar tolyq jańarady.
Jalpy, jyl aıaǵyna deıin jańa qoǵamdyq kóliktiń úlesin 80%-ke deıin jetkizý josparlanǵan.
