Almatyda brıtandyq shtamm taldanǵan synamalardyń 78 paıyzynda anyqtaldy
ALMATY. QazAqparat - Almatyda taldanǵan synamalardyń 56 paıyzynda koronavırýs shtamnyń mýtatsııasy anyqtaldy, dep habarlaıdy QazAqparat tilshisi.
«Almatyda epıdemıologııalyq jaǵdaı jańa shtamdardyń paıda bolýymen kúrdelendi. Megapolıstegi aranaıy zerthanada taldanǵan úlgilerdiń 56% -nan mýtatsııa anyqtaldy. Epıdemıologtardyń PTR zertteýleri boıynsha brıtandyq shtamm taldanǵan synamalardyń 78 paıyzynda tabyldy», - dedi qoǵamdyq densaýlyq saqtaý basqarmasynyń ókili Svetlana Sultanǵazıeva Almaty qalasy Qoǵamdyq keńesiniń otyrysynda
Sonymen qatar, ol sońǵy bir aı ishinde ambýlatorııalyq emdelýshilerdiń sany artqanyn jetkizdi. Qalada barlyǵy 7011 tósek- oryn daıyndalǵan. Qazir onyń 58% bos emes.
Búgin tańerteńgi aqparat boıynsha Almatyda 667 adamnyń koronavırýs juqtyrǵany anyqtaldy. Munyń ishinde 574-i sımptomdy, jeńil jáne ortasha deńgeıdegi belgilermen, 93 -i sımptomsyz aýyrǵan.
