Almatyda Brıtan joǵary oqý oryndarymen yntymaqtastyq ornatý týraly semınar ótýde
ALMATY. 18 mamyr. QazAqpart - Almatyda «Brıtandyq joǵarǵy oqý oryndarymen yntymaqtastyq ornatý jáne zertteý nátıjelerin ımpakt-faktory joǵary jýrnaldarda jarııalaý joldary» dep atalatyn semınar ótip jatyr.
«Joǵarǵy oqý ornynyń eń úzdik muǵalimi - 2011» baıqaýynyń ıegerlerine arnalǵan bul sharany British Council uıymdastyryp otyr.
«Barlyq zertteýshiler óz jumystaryn jarııalaýy tıis. Biraq ásirese jumystar ımpakt-faktory joǵary jýrnaldarda jarııalanatyn bolsa, bul ońaı emes. Semınarda ýnıversıtetterdegi zertteýlerdiń tıimdi mádenıetiniń damytýdyń mańyzy, jarııalanymdardy daıyndaý úderisi, sonymen qatar, qarym-qatynasty ornatý jáne abyroı jınaýdy, maqala jazý, jýrnaldarmen qalaı jumys isteý kerektigin jáne redaktorlardyń saýaldaryna qalaı jaýap berýi máseleleri talqylanady», - deıdi Ulybrıtanııadan shaqyrylǵan sarapshy Stıven Veber. Onyń aıtýynsha, Qazaqstannyń 2011-2020 jyldarǵa arnalǵan memlekettik bilim berýdi damytý baǵdarlamasynyń negizgi maqsattarynyń biri - joǵarǵy bilimniń sapasyn baǵalaý júıesiniń tıimdiliginiń qamtamasyz etý, sondaı-aq qazaqstandyq joǵarǵy oqý oryndarynyń búkilálemdik eń úzdik ýnıversıtetteriniń reıtıngterine kirýi bolyp tabylady. Al zertteý nátıjeleriniń ımpakt-faktory joǵary zertteý jýrnaldarǵa jarııalanýy (ǵylymı jýrnal mańyzynyń sandyq kórsetkishi), joǵarǵy oqý oryndarynyń ýnıversıtet reıtıngterine kirýi úshin qajet.
