Almatyda brıtan sýretshisi eski úılerdiń syrt kelbetin túrlendirip jatyr
ALMATY. QazAqparat - Almatyda «MURAL FEST» ІІІ halyqaralyq monýmentaldy óner festıvaline belgili brıtan sýretshisi Dan Kitchener keldi, dep habarlaıdy QazAqparat tilshisi.
Sýretshi Ál-Farabı men Nazarbaev kóshesiniń qıylysyndaǵy qos qabatty ǵımarattardyń syrtyna sýret salýmen aınalysyp jatyr.
Aıta ketý kerek, búginde Denniń sýretteri London, Mılan, Gonkong, Barselona, Tokıo, Stokgolm kóshelerine sán berip tur.
«Meniń jumystarymnyń basty taqyryby - qalanyń kúndelikti ómiri. Qalanyń kúıbeń tirshiligin túspen, jaryqpen, kóleńke jáne kompozıtsııamen jetkizgim keledi», - dedi sýretshi.
Almatyda óner ıesi taýlardyń peızajy men ezý tartqan adamdardan shabyt alǵanyn aıtty.
