Almatyda boıjetkendi jezókshelikke májbúrlegen 2 adam ustaldy
ALMATY. QazAqparat – Almatyda 26 jastaǵy boıjetkendi jezókshelikpen aınalysýǵa májbúrlegen kúdiktiler ustaldy, dep habarlaıdy QazAqparat tilshisi.
Almaty qalalyq polıtsııa departamentine 1994 jyly týǵan almatylyq boıjetken ózin bireýlerdiń urlap áketip, józekshelik jolǵa túsirimek bolǵanyn aıtyp shaǵymdanǵan.
Jedel-izdestirý is-sharalaryn júrgizý barysynda polıtseıler atalǵan qylmysqa qatysy bar Almaty qalasynyń eki turǵynyn ustady.
«Kúdiktilerdiń biri boıjetkeniń tanysy bolyp shyqty. Ol 1996 jyly týǵan A. esimdi azamat. Ol 2020 jyly 8 qańtar kúni tańǵy saǵat 07-ler shamasynda «Qaǵanat» ashanasynan boıjetkendi aldap, jaldamaly páterge aparǵan. Ol jerden jábirlenýshini kúdiktiniń sybaılasy 1972 jyly týǵan B. atty azamat qyzdy Ýsacheva kóshesindegi jeke úıge májbúrlep alyp ketken. Olar sol úıde boıjetkendi uryp-soǵyp, májbúrlep ustaǵan», - dedi Almaty qalavlyq PD baspasóz qyzmeti.
Qazirgi ýaqytta tergeýdiń tolyqtyǵy men obektıvtiligin qamtamasyz etý úshin tergeý sharalary júrgizilýde.
Sondaı-aq, osy qylmysqa qatysy bar degen kúdikke taǵy eki boıjetken ilikti. Búgingi kúni olardy ustaý sharalary júrgizilýde.
