Almatyda boıjetkendi urlaǵandardyń aty-jónderi anyqtalyp, olarǵa izdeý jarııalandy
ALMATY. QazAqparat- Búgin Almatyda tańerteń 08 saǵat 50 mınýtta qalalyq ІІD jedel basqarma ortalyǵynyń 102 qyzmetiniń pýltine jergilikti turǵyndardan bir boıjetkendi belgisiz bireýlerdiń mashınaǵa zorlap otyrǵyzyp alyp ketkeni jóninde habar kelip tústi, dep habarlaıdy Almaty q. ІІD baspasóz qyzmetinen.
«Oqıǵa ornyna tez arada jol-patrýldik polıtsııa ekıpajy men Bostandyq aýdanynyń ІІB janyndaǵy polıtsııa bóliminiń tergeý-operatıvtik toby kelip jetti. Kóp uzamaı, avtokólik pen onyń ıesiniń aty-jóni anyqtaldy», delingen habarlamada.
Qazir bul derek QR Qylmystyq kodeksiniń 125-shi baby boıynsha sotqa deıingi tergeýdiń biryńǵaı tizilimine engizildi. Uıymdasqan qylmysqa qarsy kúres Basqarmasy men polıtsııanyń basqa da bólimderi qyzmetkerleri boıjetkenniń qaı jerde ekendigin anyqtaý jáne osy qylmysqa qatysty azamattardy ustaý boıynsha tıisti sharalar qoldanyp jatyr.
