Almatyda boıjetkendi kúshtep alyp qashqan oqıǵa prank bolyp shyqty

ALMATY. QazAqpart- Almatyda eki jigit boıjetkendi kúshtep, kólikke mingizip alyp qashty. Oqıǵanyń vıdeosy áleýmettik jelide tarady. Qalalyq polıtsııa departamenti arnaıy tekserý júrgizip, onyń prank ekenin anyqtady, dep habarlaıdy QazAqparat tilshisi.

«Atalǵan derek boıynsha tekserý sharalary júrgizilip, nátıjesinde onyń uıymdastyrýshylary men qatysýshylary anyqtaldy. Olardyń is-áreketine quqyqtyq baǵa beriletin bolady»,- dep habarlady qalalyq polıtsııa departamentinen.

Sonymen qatar prank jasaǵan 18 jastaǵy boıjetken halyqtan keshirim surady.

«Men, bul áleýmettik eksperıment - prank ekenin aıtqym keledi. Men sol vıdeodaǵy qyzbyn. Mende bári jaqsy, meni eshkim alyp qashqan joq. Jurtshylyqtan keshirim suraımyz», – dedi ol. «Shevrole Neksıa» avtokóliginiń júrgizýshisi – 1988 jyly týǵan I.esimdi azamatta anyqtalyp ákimshilik jaýapqa tartyldy. «Quqyq buzýshylyq deregine sáıkes oǵan qatysty QR ÁQbK-niń 290 baby 2 bóligi (KQ memlekettik tirkeý nómirlik belgisinsiz basqarý) jáne QR ÁQbK-niń 601 baby 1 bóligi (jol belgileri men tańbalarynyń talaptaryn saqtamaý) boıynsha ákimshilik hattamalar toltyryldy.Kólik quraly mamandandyrylǵan aıyppul turaǵyna qoıyldy»,- dep atap ótti vedomstvodan.

Eske salaıyq, qyz alyp qashqandardyń vıdeosy keshe áleýmettik jelide tarǵan bolatyn. Keıin tártip saqshylary osy oqıǵaǵa qatysty polıtsııaǵa eshqandaı aryz túspegenin aıtty.