Almatyda boıjetkendi kólik kabınasynyń syrtyna shyǵarǵan júrgizýshi aıyppul tóleıdi
ALMATY. QazAqparat – Almatyda boıjetkendi kólik kabınasynyń syrtyna shyǵarǵan júrgizýshige aıyppul salyndy, dep habarlaıdy QazAqparat tilshisi.
Almatyda mamandandyrylǵan batalon qyzmetkerleri qyzdy kabınanyń syrtyna shyǵarǵan júrgizýshini ákimshilik jaýapkershilikke tartty.
«25 jastaǵy M. esimdi «Toyota» kóliginiń júrgizýshisi ál-Farabı dańǵylymen batys baǵytta kele jatyp, qyzdy kabınanyń syrtyna shyǵardy. Sol arqyly ol jol erejesin óreskel buzdy. Avtokólik júrgizýshisine jolaýshylardy tasymaldaý erejelerin saqtamaǵany úshin QR Ákimshilik quqyq buzý kodeksiniń 593-baby 1-bóligine sáıkes ákimshilik hattama toltyryldy» dep habarlady polıtsııadan.
