Almatyda boıjetkendi qaǵyp óltirgen avtobýs júrgizýshisi kinásin moıyndady
ALMATY. QazAqparat - Almatyda Áýezov aýdandyq sotynda boıjetkendi qaǵyp óltirgen avtobýs júrgizýshisine qatysty sot protsesi jalǵasyp jatyr, dep habarlaıdy QazAqparat tilshisi.
Qorǵaýshynyń aıtýynsha, avtobýs júrgizýshisi óz kinásin tolyq moıyndady.
«Júrgizýshi kinásin tolyq moıyndady. Qazirgi tańda biz japa shekken tarappen kelisip, barlyq shyǵyndy ótedik. Endi sottalýshyny bas bostandyǵynan aıyrmaýdy ótinemiz», - dedi qorǵaýshy Álim Mustapaev.
Sot protsesine qatysqan qyzdyń týystary marqumnyń Balalardy beıimdeý ortalyǵynda psıholog bolyp jumys jasaǵanyn aıtty.
«Ol jumysyna 10 mınýtta baratyn. ıAǵnı, ol baǵdarshamnyń qyzyl túsine ótýi múmkin emes», - dedi marqumnyń týystary.
Jol apaty bıyl 18 sáýir kúni Saıran vokzalynyń mańynda bolǵan edi. 24 jastaǵy boıjetkendi №126 avtobýs júrgizýshisi týra qıylysta qaǵyp ketken. Soqqydan qyz birshama jerge ushyp túsip, alǵan jaraqatynan sol jerde kóz jumdy.
