Almatyda boıjetken kólik astyna túsip, mert boldy
ALMATY. QazAqparat - Almatyda jol talǵamaıtyn kólik boıjetkendi qaǵyp ketti. Jol apaty ál-Farabı dańǵylynyń boıynda boldy, dep habarlaıdy QazAqparat tilshisi.
Oqıǵa kýəgerleriniń aıtýynsha, Nissan X-TRAIL markaly avtokólik ál-Farabı dańǵylynyń boıymen ońtústik baǵytqa qaraı kele jatqan. Navoı kóshesimen qıylysqan tusta ruqsat etilmegen jerden boıjetken júgirip shyqqan. Jol talǵamaıtyn kólik júrgizýshisi der kezinde toqtap úlgermeı, ony qaǵyp ketken.
Boıjetken aýyr jaraqat alyp sol jerde kóz jumdy. Marqumnyń ózimen birge qujattary bolmaǵandyqtan, tərtip saqshylary onyń aty-jónin anyqtaýǵa kiristi.
