Almatyda boıjetken kóligimen kóshedegi baǵanaǵa soǵyldy
ALMATY. QazAqparat - Almatyda boıjetken kóligin basqara almaı, kóshe shamynyń baǵanyna soǵyldy, dep habarlaıdy QazAqparat.
Jol apaty Dostyq jáne Qajymuqan kósheleriniń qıylysynda bolǵan.
Peugeot avtokóliginiń júrgizýshisi rýlge ıe bola almaǵan. Saldarynan mashına joldan shyǵyp, júrginshi jolyndaǵy kóshege jaryq beretin shamnyń baǵanyn soqty.
Oqıǵa ornyna kelgen jedel járdem qyzmetkerleri zardap shekken júrgizýshini aýrýhanaǵa alyp ketti. Oqıǵanyń mán-jaıyn jol polıtsııasy anyqtap jatyr.
