Almatyda boıjetken Qapshaǵaı kópirinen sekirip ketpek boldy
ALMATY. QazAqparat - Almatyda polıtsııa qyzmetkerleri Qapshaǵaı kópirinen sekirip ólmek bolǵan qyzdy qutqaryp aldy, dep habarlaıdy QazAqparat tilshisi.
Qalalyq ІІD baspasóz qyzmeti habarlaǵandaı, jol-patrýl polıtsııasynyń qyzmetkerleri Dáýren Raıymbekov pen Jaqsylyq Sultan Túrksib aýdanynda qoǵamdyq tártipti qadaǵalap júrgen. Tańǵy saǵat 4-00-der olar shamasynda Qapshaǵaı kópirinde turǵan qyzdy kórgen.
«Boıjetken kópirden sekireıin dep turdy. Birinshi bir polıtsııa qyzmetkeri jaqyndap, ony toqtatpaq bolǵanda, qyz alǵa umtylyp ketip ekeýi de kópirden qulaýǵa az qaldy. Artynan kele jatqan ekinshi polıtsııa qyzmetkeri ekeýin de ustap qalǵan», - dedi qalalyq ІІD resmı ókili Saltanat Ázirbek.
Foto: sverigesradio.se
