Almatyda boıjetken esigi ashyq avtobýstan qulap tústi
ALMATY. QazAqparat – Almatyda qalaralyq avtobýsta jolaýshy qyz qulap tústi, dep habarlaıdy QazAqparat tilshisi.
Tótenshe jaǵdaı 23 shilde kúni Aşybulaq aýylyna barar jolda bolǵan. Qulaǵyna qulaqqap kıgen qyz bala avtobýstyń ashyq esiginen qulap tústi. Jolaýshy qyzdy jedel járdem alyp ketti.
Tasymaldaýshy kompanııa bolǵan oqıǵaǵa qatysty túsinik berdi.
«Júrgizýshiniń aıtýynsha, avtobýs Almaty-1 vokzalynan Aşybulaq aýylyna bet alǵan. Aıala Nurbol esimdi jolaýshy aıaldamasynan ótip ketkenin aıtyp, júrgizýshiden toqtatýdy ótingen. Júrgizýshi joldyń oń jaǵyn ala bere toqtap, esikti ashqan. Kýágerlerdiń aıtýynsha, qyz qolyndaǵy smartfonǵa úńilgen kúıinshe baspaldaqty baspaı attap ketip, jerge qulaǵan. Oqıǵa ornyna jetken polıtsııa qyzmetkerleri salondaǵy jolaýshylardan bolǵan oqıǵanyń mán-jaıyn bilip, júrgizýshini jónine jiberdi», - dedi tasymaldaýshy «Jedel» JShS baspasóz qyzmetinen.
Avtopark ókili bolǵan oqıǵaǵa baılanysty qyzmettik tekserý júrip jatqanyn aıtty.
Qalalyq mobıldilik basqarmasynyń habarlaýynsha, qalaaralyq baǵytta qyzmet kórsetetin marshrýttarda birqatar sheshilmegen túıtkildi máseleler bar.
«Bul marshrýttarda «Ońaı» elektrondy aqy tóleý júıesi istemeıdi. Olarǵa sýbsıdııa bólinbegen soń avtoparkter kólikterdi jańartýǵa múddeli emes», - dedi qalalyq mobıldilik basqarmasynan.
