Almatyda boıjetken avtobýstyń astyna túsip qaldy
ALMATY. QazAqparat – Almatyda avtobýs boıjetkendi basyp ketti, dep habarlaıdy QazAqparat tilshisi.
Oqys oqıǵanyń vıdeosy áleýmettik jelide taralyp jatyr.
«3 qyrkúıekte tańǵy 8 shamasynda 45 marshrýt júrgizýshisi Ótegen batyr kóshesimen ońtústik baǵytqa buryla bergen kezinde jaıaý júrginshini basyp ketti. Boıjetken jaraqat aldy. Oqıǵa ornyna jetken jedel járdem qyzǵa alǵashqy medıtsınalyq kómek kórsetti. Qazir bolǵan oqıǵanyń mán-jaıy anyqtalyp jatyr», - dedi «AlmatyElektroTrans» JShS ókilderi.
