Almatyda boıjetken aryqtan sekirem dep mert boldy
ALMATY. QazAqparat - Almatyda boıjetken aryqtan sekirem dep mert boldy. Oqıǵa keshe tańǵy 4:30 shamasynda Ál-Farabı kóshesiniń boıynda bolǵan, dep habarlaıdy QazAqparat.
22 jastaǵy qyz trotýardaǵy kópirmen ótpeı aryqtan sekirip ótem degende aıaǵy taıyp aryqqa túsip ketken.
«Aǵyn sýdyń kúshimen qyz jol astyndaǵy qubyrǵa baryp bitelip qalǵan. Qyzdyń qasyndaǵy qurbylary eshqandaı kómek kórsete almady.
Boıjetkenniń denesin alyp shyǵý úshin qutqarýshylar lıýk pen betonnan quıylǵan jaqtaýdy buzdy. Onyń ózi kóp ýaqyt aldy. Sonyń saldarynan qyz oqıǵa ornynda qaza boldy», - dedi qalalyq ІІD resmı ókili Saltanat Ázirbek.
Oqıǵa kýágerleriniń aıtýynsha, qurbylar túngi klýbtan «toılap» shyqqan.
