Almatyda boıaý ónimderi turǵan garaj órtendi
ALMATY. QazAqparat- Almatynyń Áýezov aýdanynda lak-boıaý ónimderi turǵan garajdan shyqqan órt sóndirildi, dep habarlaıdy QazAqparat tilshisi.
Almaty qalalyq Tótenshe jaǵdaılar departamentiniń órttiń 11 shilde kúni saǵat 15:26-da Aqsaı 1A shaǵyn aýdanynda bolǵanyn habarlady.
«Órt sóndirý bólimsheleri oqıǵa ornyna 4 mınýtta jetti. Bul kezde jalpy aýmaǵy 25 sharshy metr bolatyn jerasty tıpti garajda qalbyr ydystaǵy boıaýlar órtenip jatty. Qoıý tútin men temperatýranyń joǵary bolýyna baılanysty órt sóndirýshiler tynys alý apparatymen jumys istedi. Barlaý barysynda órt oshaqtaryn anyqtaý úshin teplovızor da qoldanyldy. Órt saǵat 16: 19 mınýtta oqshaýlaýlanyp, 21 mınýttan soń tolyǵymen joıyldy. Órttiń kórshi garajdarǵa taralýyna jol berilmedi», - dep habarlady Tótenshe jaǵdaılar departamentiniń baspasóz qyzmeti.
Órtti joıýǵa TJD-nyń 24 qyzmetkeri men 4 tehnıkasy jumyldyryldy. Órt bolǵan jerde anyqtaýshylar jumys isteýde.
Foto: www.instagram.com/almaty_tjd
