Almatyda bos turǵan ǵımarat órtendi
ASTANA. QazAqparat - Almaty qalasy Jetisý aýdanynda bos turǵan ǵımarat órtendi. Bul týraly QazAqparat tilshisine Almaty qalalyq Tótenshe jaǵdaılar departamentiniń resmı ókili Sandýǵash Baımuhambetova habarlady.
Resmı ókildiń məlimetine súıensek, órt 22 naýryz kúni túngi saǵat 23.30-da bastalǵan. On mınýttan keıin órt sóndirýshiler oqıǵa ornyna jetken. Órt sóndirýshiler jalyndy saǵat 00.40-ta aýyzdyqtady. Saǵat 01.09-da tilsiz jaý tolyq sóndirildi.
«Órt 800 sharshy metr aýmaqqa tarap ketken. Qaza tapqandar men zardap shekkender joq. Órtti sóndirý úshin 60 adam, 14 tehnıka men 6 arnaıy tehnıka jumyldyryldy»,-dep habarlady Sandýǵash Baımuhanbetova.
